Har taraf hahakar hain, ki tapman 48 degree ke paar hain, sadke
khaali, galiya sooni hain... woh kehte hain surya dev ka bhayankar prahar hain...
Bhari dopahar me sannata chaaya hain, aisi bhi kya garmi, yeh
kyu mere sheher me curfew lagaya hain?
Chadha hame fitoor, socha kyu na ek muyana kara jaaye, kis
tarah tapa rahi hain yeh garmi mere sheher ke aam aadmi ko, kyu na first hand experience kiya
jaye...
Uthaya chaata paidal hi nikal pade hausle buland kar ke, itni
bhi kya garmi ki log gharo me baithe hain darwaaze band dar ke?
Pohocha ghar ke paas hi ek garden me, ghadi me baj rahe the do,
ek kone ke bench pe baitha tha ek joda, magan ek duje ki god me the woh...
Jaake poocha maine ki kyu bhai tumhe nahi lagti kya garmi,
kya boodha kya bacha, sabke saamne faila rakhi hain besharmi?
Yuvak muskurate hue, ek ungli se ladki ke hoto ko sehlate hue
bola... Bhai kaunsi garmi kahe ki garmi... tum daro besharmi se, mujhe toh matlab meri jaan ke hoto ki narmi se.
Apna sa muh lekar hum waha se chal pade, paas waale bus stop
pe jaa hue khade, aayi jo khatara si bas hum chadh gaye, garmi se hatash driver
ki peeche waali seat pe pad gaye.
Tabhi nazar us driver pe padi... Gamcha paseene se geela,
thakan dikh rahi thi shakal pe, kai ghanto se joh baitha tha us aag ugalte
engine ke bagal me.
Naseehat di maine ki bhai sehat ka rakho dhyan, aisa bhi kya
kaam itni garme me thoda toh kar lo aaraam.
Maathe ka paseena pochte hue driver bola... Sahab maana gamcha
geela hain, gala sukha hain... lekin main kaise lu ek din ki bhi chutti , ghar pe
mera bacha bhukha hain.
Hamare liye kya garmi ab toh aadat ho gayi hain kai saalo se, haaye garmi, uff garmi... toh bas shauk hain a/c me ghoomte un ameero aur laalo ke.
Zindagi ki kadwi sachai ko ugalte hue alvida kaha us driver ko, himmat jawab de gayi thi ab garmi me hum badhe apne ghar ko.
Bus stop se ghar ke raaste pe ek basti thi, chote se ghar ki
khidki pe khadi ek chaar saal ki bachi thi.
Dekh apni saheliyo ko khidki se khelte hue, chilla chilla ke who
ro rahi thi, darwaze ko bahar se kar band maa chaarpai pe so rai thi.
Poocha pados ki amma se, ki kyu yeh maa apne bache ko yuh
tadpa rahi hain, kyu khelne nahi deti isse, kaahe rula rahi hain?
